As Galimpiadas de Caldelas adiántanse cun triatlón o 3 de maio.
O “Triatlón Galímpico” terá truco, dominó e ping pong.
Tamén se celebrarán dous bingos con grandes premios:
un porquiño e un brunch para seis persoas.
Caldelas de Tui, 25 de abril de 2025. A quinta edición das Galimpiadas de Caldelas xa
están a volta da esquina. Terán lugar os días 5, 6 e 7 de xuño na ribeira de Caldelas e as
inscricións xa están abertas para os grupos que queiran pelexar polo título de “Campión
de Galicia”. Pero antes, con motivo do quinto aniversario, a Asociación Non Damos Feito,
organizadora das Galimpiadas, ten previsto a celebración dun evento previo este sábado,
3 de maio. Será un “triatlón” de truco, dominó e ping pong. A competición será individual
e os participantes poderán xogar a unha, dúas ou ás tres probas. Ao remate haberá bingo
con fantásticos premios.
O “Triatlón Galímpico” terá lugar no local da Comunidade de Montes de Caldelas, o
sábado 3 de maio. As probas comezarán ás 16 horas con truco; ás 18 horas continuarán
con dominó e ás 20 horas rematarán con ping pong. O coste da inscrición será de 5 euros
por xogo e haberá premios para todos os gañadores de cada proba e un premio especial
para quen consiga a mellor puntuación en todas as probas nas que participe.
Ao remate da competición xogaremos uns bingos con fantásticos premios. Os gañadores
conseguirán un porquiño doado por Agroporcina Maraury S.L. e un vale por un brunch
para seis persoas cortesía de Pancho 3.0. by Adri Vila. Tamén teremos outros premios e
sorteos grazas á colaboración da empresa de xardinería Orballo, a pizzería Dimarco, a
tapería Tapas e Viños, a tenda Cousiñas e a droguería Chévere de Ponteareas.
Durante todo o día haberá servizo de bar e comida para que pasemos unha tarde de
sábado en compaña e poñendo a punto as estratexias para ir preparando as Galimpiadas
2025. Ademais, a organización dará a coñecer os deseños das novas camisetas e revelará
o cartel das actuacións musicais que amenizarán as noites galímpicas da quinta edición.
No teremos servizo de TPV, polo que só poderemos aceptar pagos en efectivo.
Ningún comentario:
Publicar un comentario