Este domingo 4 de Decembro, en Caldelas de Tui, a Escola de Gaitas e Percusión "A INSUA" estreou o Nadal no Balneario

O frío que acompaña estes días na zona baixomiñota de Caldelas de Tui non foi impedimento para que os compoñentes da escola de gaitas e percusión da Asociación Socio-Cultural "A INSUA" ofrecera un concerto con temas populares e paxoliñas a tódolos asistentes que se deron lugar no Balneario de Caldelas.

A hora do espectáculo foi ás 13.00, pero antes de comezar a actuación fixeron un pasarrúas por Caldelas para regalar a maxia do Nadal ós seus veciños, servindo este paseo para recordarlles a actuación, a modo de invitación para despois arropalos do frío no patio do balneario coas suas pezas.