O Centro Cultural San Fins de Rebordáns comeza o Nadal cunha ampla oferta cultural que comeza este sábado día 3 de Decembro e prolóngase ata o próximo día 11.
O sábado 3 de Decembro, ás 21.00 horas abren a axenda o Grupo Tradicional San Fins (Rebordáns), seguido da Agrupación de música tradicional Beatriz Osorio de Bembibre (León) e o broche final desta xornada corre a cargo de Lobeira, cuarteto de músicas do Salnés e Caldas.
O domingo 4 de Decembro ás 17.30 chega o teatro musical con Freddy, Belén e o Ovo co espectáculo "A viaxe encantada". Á súa finalización poderase gozar da Asociaçao Folclórica Independente de San Fins de Ferreira (Portugal).
O luns 5 de Decembro ás 21.00 horas actuarán Os que somos, de San Fins de Rebordáns, a humorista Lorena Pinheiro con "2 pasos 25 pesetas" e o grupo de folk Donicelas
O martes 6 de Decembro ás 17.30 horas o espectáculo corre a cargo da Escola de música San Fins (Rebordáns), á que seguirá charla-concerto de Rosa Sánchez e Pablo Carpinteiro.
O domingo 11 de Decembro, para poñer o broche final á axenda do Nadal Cultural, ás 17.30, chega o Teatro Migallas co espectáculo "Merenda con pan de millo"
Ningún comentario:
Publicar un comentario